„Hvað ertu tónlist?“

Jónas Ingimundarson býður tónlistaráhugamönnum í ferðalag um heim tónlistarinnar ásamt söngkonunni Sigrúnu Hjálmtýsdóttur (Diddú) á morgun, fimmtudaginn 21. október í Duushúsum.

Yfirskrift tónleikanna er „Hvað ertu tónlist?“ og situr Jónas við flygilinn þar sem farið verður vítt og breitt um lendur tónlistarinnar í tali og tónum.

Tónleikarnir eru samstarfsverkefni Tónlistarfélags Reykjanesbæjar og Miðstöðvar símentunar á Suðurnesjum.

Miðaverð er kr. 1.500 og verður boðið upp á kaffi og konfekt í hléi.
Tónleikarnir hefjast kl. 20:00.