Hrekkjavakan tekin alla leið í Reykjanesbæ

Hrekkjavakan var í gær. Hátíðin hefur nú verið tekin alla leið í Reykjanesbæ og víða var mikið lagt í skreytingar í tengslum við hrekkjavökuna. Börn gengu um bæinn og börðu á dyr þar sem boðið var upp á grikk eða gott. Flestir kusu að gefa gott og losna við grikkinn.

Þessi blóðugu börn voru á ferð um Njarðvík í gærkvöldi. Fleiri myndir frá hrekkjavökunni verða í Víkurfréttum á fimmtudaginn.