HRAFNKELSSAGA
HRAFNKELSSAGA Pistlaskrifari heldur áfram yfirreið sinni um lendur pólitíkurinnar og ber næst niður hjá Samfylkingunni. Reyndar minnir fylkingar hluti nafnsins mig alltaf á úlpuklætt fólk kyrjandi..Ísland ú Nató og ...., en þetta hlýtur að venjast. Svo er það líka staðreynd, að samhugur hefur ekki beinlínis einkennt störf fylkingarinnar til þessa, heldur sérhagsmunagæsla hvers og eins. Flestir hafa þó látið af þessu eftir að prófkjöri líkur og predikað samhug í verki, en þeir sem meira mega sín eins og Heilög Jóhanna hafa þó haldið barátunni áfram og nú fyrir æðstu yfirráðum hópsins. Mig minnir að hin upprunalega Heilaga Jóhanna hafi barist fyrir því að krýna réttmætan konung Frakka, og litið á það sem sína köllun, en ekki ætlað sjálfri sér mikil metorð. Er það ekki flott til eftirbreytni Jóhanna. Baráttan um yfirráðin já. Hefur nokkur séð virðulegan mann að vestan með vel snyrt skegg og klæddan í sviplaus grá pólitíkusa jakkaföt ? Síðast þegar hann sást var hann með kratarós í barminum. Þeir sem verða hans varir eru beðnir um að skila honum í framlínuna. Prófkjörum er að mestu lokið og menn missárir eftir. Vinur minn, mikil karlremba gleðst yfir því að lengi vel virtust konur ætla að einoka öll helstu sæti og munu trúlega ná 60-70% af væntanlegum þingsætum. Hann taldi þar með nokkra von um, að væl um lélegt gengi kvenna af því þær væru konur og kröfur um kynjakvóta væru þar með fyrir bí. Ég er ekki eins bjartsýnn, en óneitanleg verður gaman að vera laus við þær umræður á næsta flokksþingi. Væntanleg þingsæti, hversu mörg verða þau? Nú eftir prófkjör eru Samfylkingarmenn á þvílíku fylgisfylleríi að það hálfa væri nóg. Hvort rennur af mönnum fram að kosningum svo menn sitji timbraðir eftir með 20% fylgi verðu að koma í ljós. Amk. verða menn að snúa sér að því að hætta að ota sínum tota en koma með liðlega stefnuskrá. Ef sama ráðleysið og sérhagsmunapotið heldur áfram er ekki á góðu von. Málstaðurinn er góður ef einhver er til í að rifja hann upp. Tvö skot í lokin, menn þurfa að kunna að taka ósigri og sigri bæði í pólitík, Íþróttum og í daglega lífinu. Að fara í fýlu ef illa gengur skaðar bara mann sjálfan. Auðvitað er sárt ef smalað er allra flokka fólki til að kjósa andstæðinga manns, en upp á þetta er jú boðið með opnum prófkjörum. Aftur á móti er jafn hlægilegt, já og beilínis hallærislegt þegar þeir sem telja sig sigurvegara hælast um og telja það skipta mestu máli hversu vel þeir persónulega hafi komið út (skítt með flokkinn og málstaðinn). Vísa dagsins fyrir hönd ónefnds prófkjörsþola: Samfylkingu vil ég leggja lið. Við lítið fylgi verð ég mig að sætta. Og því er það ég held ég hætti við, að hætta við að hætta við að hætta. Með kveðju úr Gulaginu Hrafnkell.
