Horfi alltaf á Jesus Christ Superstar

Á að ferðast eitthvað yfir páskahelgina? - Ef ekki, hvernig á að verja helginni?

Nei ég hugsa að það verði bara góð páskahelgi hérna í Njarðvíkunum. Það er alltaf nóg að gera og gott að geta opnað páskaeggið heima í stofu.

Áttu þér einhverjar hefðir sem tengjast páskunum?

Svona fyrir utan almennt súkkulaðiát þá horfi ég alltaf á Jesus Christ Superstar bíómyndina. Keypti mér hana fyrir mörgum árum og finnst fátt betra á páskunum en að setja hana í gang og hækka í botn.

Hvað er borðað á þínu heimili á páskadag?

Það er afar mismunandi , ekki jafn niðurneglt og jólin. Síðustu ár höfum við verið í kalkún eða hamborgarahrygg , en núna er stefnan held ég grillaðar nautalundir ala Elli Hannesar.

Hvernig páskaegg ætlar þú að fá þér í ár?

Keypti eitt Drauma páskaegg handa syni mínum en hugsa að ég splæsi í Nizza lakkrís páskaegg svo maður sé líka með Nóa Síríus með sér. Súkkulaði og lakkrís er náttúrulega „deadly combo.“