Holtaskóli sigraði spurningakeppni

Holtaskóli sigraði í spurningakeppninni Gettu ennþá betur, en keppnin fer fram á milli grunnskóla í Reykjanesbæ. Keppnin er haldin í þriðja sinn, en í fyrstu keppninni sigraði Heiðarskóli og í þeirri annarri sigraði Njarðvíkurskóli.
Í ár kepptu Holtaskóli og Myllubakkaskóli til úrslita, en lið Myllubakkaskóla hafði yfirhöndina í keppninni þar til á lokaspurningunni sem var vísbendingaspurning og gat gefið þrjú stig. Myllubakkaskóli var einu stigi fyrir ofan Holtaskóla. Fyrsta vísbending var gefin og hvorugt liðið svaraði rétt. Önnur vísbending gaf tvö stig, áður en lestur hennar var að fullu lokið svaraði lið Holtaskóla rétt. Þar með varð hann einu stigi fyrir ofan Myllubakkaskóla og nýtti þannig sitt síðasta tækifæri.
Lið Holtaskóla skipa þeir Bjarni Freyr Rúnarsson, 9.B, tvíburabræðurnir Arnþór og Pétur Elíassynir 8.B og liðsstjóri er Gísli Örn Gíslason í 10.A.