Holtaskóli sigraði Gettu enn betur

Lið Holtaskóla sigraði spurningakeppni grunnskólanna í Reykjanesbæ, Gettu enn betur, en keppnin fór fram í gær. Eins og nafnið getur til kynna er keppnisfyrirkomulagið með svipuðum hætti og í spurningakeppni framhaldsskólanna, Gettu betur. Í sigurliði Holtaskóla voru þau Ástþór Sindri Baldursson, Birkir Freyr Birkisson, Elva Dögg Sigurðardóttir og Steinn Alexander Einarsson. Skólarnir sem tóku þátt ásamt Holtaskóla voru Akurskóli, Heiðarskóli, Holtaskóli, Myllubakkaskóli og Njarðvíkurskóli.

[email protected]