Miðvikudagur 19. janúar 2000 kl. 18:33
HOLTASKÓLANEMENDUR KYNNTU SÉR STARFSEMI ÍSLANDSBANKA
Nemendur í 10. bekk Holtaskóla heimsóttu Íslandsbanka ásamt kennara sínum Hauði Stefánsdóttur föstudaginn 14. janúar s.l. Heimsóknin var liður í fræðslu um bankamál en hópurinn leggur stund á bókfærslu sem valfag. Soffía Ólafsdóttir, þjónustufulltrúi í Íslandsbanka í Keflavík, tók á móti krökkunum fyrir hönd bankans og annaðist fræðsluna. Heimsóknin tókst í alla staði mjög vel og að sögn Soffíu voru krakkarnir mjög áhugasamir um efnið sem fjallaði m.a. um eðli og hlutverk debetkorta, tékkhefta, hraðbanka, netbanka og fleira. Að fyrirlestrinum loknum voru ungmennin leyst út með gjöfum og boðið í afmæliskaffi Íslandsbanka, sem er tíu ára um þessar mundir.
