Hobbitarnir í sumarskapi um helgina

Hobbitarnir verða í sumarskapi á Paddy's í Keflavík nú um helgina, bæði á föstudags- og laugardagskvöldið. Föruneytið verður með í för á laugardaginn. Þar sem það spáir spáir rigningu um allt land er kjörið að fresta útileigunni og taka frekar góðan snúning með Hobbitunum í Keflavík.

Hobbitarnir eru söngvarinn og gítarleikarinn Hlynur Þór og gítarleikarinn og söngvarinn Óli Þór. Þegar trommuleikarinn Ólafur Ingólfsson og bassaleikarinn Pálmar Guðmundsson bætast við eru þeir orðnir Föruneytið.

Gunnar Gestur tók meðfylgjandi ljósmynd af Hobbitunum og Föruneytinu.