Hljómsveitin Úlpa í Reykjanesbæ

Hljómsveitin ÚLPA kemur fram á Aftan Rokk á Paddy´s annað kvöld, miðvikudag 15. febrúar. Ásamt Úlpu kemur fram keflvíska hljómsveitin Kafteinn Hafsteinn og Áföfnin sem spilar rapp með lifandi hljóðfæraleik og er textagerð Hafsteins hnyttin og skemmtileg.

Einnig kemur fram hljómsveitin Koja sem spilar framsækið rokk. Hún á einnig rætur að rekja í Bítlabæinn.

Úlpa gaf nýverið út sína aðra breiðskífu, „Attempted flight by winged men,“ og fæst hún í öllum helstu plötuverslunum. Úlpa flytur framsækna tónlist sem myndi helst flokkast sem „Indie.“ Hljómsveitin hefur meðal annars hitað upp fyrir Trans Am, Stephen Malkmus, Blonde Redhead og spilað í eftirpartíi Mogwai.

Tónleikarnir á Paddy´s hefjast um kl. 21:00 annað kvöld (miðvikudag). 18 ára aldurstakmark og að sjálfsögðu FRÍTT INN.