Hjólbörutónleikar í Keflavíkurkirkju á Ljósanótt
– Elmar Þór, Arnór og Kjartan Már
Boðið verður upp á hjólbörutónleika í Keflavíkurkirkju á Ljósanótt þar sem tekið verður á móti óskalögum gesta úr sal og léttleikinn í fyrirrúmi. Elmar Þór Hauksson, Arnór B. Vilbergsson og Kjartan Már Kjartansson munu flytja lög af rúmlega 100 laga lista, sem rúmast í einum hjólbörum, og verður efnisskráin þannig til á staðnum.
Þeir sjá sjálfir um kynningar og verður eflaust slegið á létta strengi og fróðlegt að sjá hvaða lög fá flest atkvæði tónleikagesta.
Tónleikarnir hefjast kl. 18.00 fimmtudaginn 3. september og er miðaverð kr. 1500. Miðasala hefst við innganginn kl. 17:30.
