Hjálmar á tónleikum í Grófinni í kvöld

Félag ungra Framsóknarmanna í Reykjanesbæ bíður til tónleika með stórhljómsveitinni Hjálmum föstudaginn 16. desember n.k. Aldurstakmark er 16 ára og er frítt inn á tónleikana, já þið lesið rétt, það verður frítt inn.

Tónleikarnir verða haldnir í húsnæði Bigga Guðna í Grófinni, þar sem bílasprautuverkstæði var til húsa og byrja Hjálmar að spila kl 22:00.

Um er að ræða vímulausa skemmtun þar sem öllu ungu fólki gefst kostur á að hlýða á tóna vinsælustu hljómsveitar Íslands. Það er ekki oft sem tónleikar sem þessir eru haldnir í iðnaðarhúsnæði og viljum við því benda fólki á að mæta tímalega því færri munu komast að en vilja.