Hestur í fóstur

Hestamannafélagið Máni hefur verið með í gangi áhugavert verkefni undanfarið ár. Um er að ræða verkefni fyrir fatlaða í samstarfi við Hæfingarstöð Reykjanesbæjar og Miðstöð símenntunar á Suðurnesjum sem og verkefnið Hestur í fóstur sem er fyrir þau sem langar að kynnast hestamennsku en eiga ekki hest.

Málið var kynnt á síðasta fundi íþrótta- og tómstundaráðs Reykjanesbæjar sem í fundargerð síðasta fundar óskar forsvarsfólki Hestamannafélagsins Mána til hamingju með þessi mikilvægu verkefni.