Heimsklassa djass og blús í Reykjanesbæ

Í kvöld fara fram djass og blústónleikar á heimsmælikvarða á Paddys við Hafnargötu í Reykjanesbæ þar sem koma fram þeir færu tónlistarmenn, Björn Thoroddsen og Jón Rafnsson. Þeir félagar munu spila djass og blús af fingrum fram eins og þeim er einum lagið en báðir eru þeir meðal færustu hljóðfæraleikara landsins og eru m.a. meðlimir í tríóinu Guitar Islancio.

Áætlað er að halda djass og blúskvöld annan hvern fimmtudag framvegis á Paddys og ættu aðdáendur tónlistar að gleðjast yfir þeim tíðindum.

Hér að neðan má sjá Björn Thoroddsen sýna snilli sína.