„Heimskautin heilla“ enn opin

Viðamikil vísindasöguleg sýning var opnuð í Háskólasetri Suðurnesja í Fræðasetrinu í Sandgerði í lok síðasta mánaðar um ævi og starf franska heimskautafarans, leiðangursstjórans og læknisins Jean-Baptiste Charcot. Yfirskrift hennar er Heimskautin heilla, en margt var um góða gesti á opnun sýningarinnar, m.a. mætti barnabarn vísindamannsins.

Opnun sýningarinnar er hluti af menningarhátíðinni Pourquoi-pas? Franskt vor á Íslandi.  Sýningin er jafnframt framlag Háskóla Íslands til Vetrarhátíðar.  Leitast hefur við að endurskapa það magnaða andrúmsloft sem ríkti um borð í rannsóknaskipunum á sínum tíma, en auk þess hefur verið safnað saman margvíslegum fróðleik í máli og myndum um ævi Charcots og störf.

Opnunartímar eru: Virka daga frá kl. 9:00 til 17:00, Helgar frá kl. 13:00 til 17:00.

Vf-mynd/elg