Fimmtudagur 6. janúar 2000 kl. 13:49
HEIMILISIÐNAÐUR ÁRSINS:
Váááá´mar... Lögreglan lagði hald á mikið magn kannabisefna við húsleit á Ströndinni í október. Þekktir aðilar újr fíkniefnaheiminum voru að sniglast í kringum húsið og því var „ráðist til inngöngu“ í húsið. Annað eins gróðurhús hafa menn ekki komist í tæri við hér suðurfrá. STÓÐHESTAR ÁRSINS: „Hvað er það sem æsir konur?“ Leikfélag Keflavíkur setti Stælta stóðhesta á svið, lét þá bera sig og komst fyrir vikið alla leið inn á svið Þjóðleikhússins með þessa frábæru leiksýningu. Engin kvartaði yfir strippinu í Frumleikhúsinu en lýðurinn átti etir að átta sig á hlutunum þegar leið á árið... Ef Frumleikhúsið hefði verið Völundarhús hefði allt orðið klikkað... eða hvað??? SKATTGREIÐANDI ÁRSINS: Einn montjeppi á mánuði Gjaldahæsti einstaklingur ársins í Reykjanesumdæmi varð Garðar Brynjólfsson útgerðarmaður úr Keflavík. Skatturinn á Garðar varð „einn montjeppi á mánuði til áramóta“ eins og hann sagði sjálfur frá. HAMSTUR ÁRSINS: Fyll’ann takk Bæjarbúar fjölmenntu á Aðalstöðina og aðrar bensínstöðvar í byrjun hausts þar sem bensínlítrinn átti að hækka um heilar 5 krónur daginn eftir. Olíufélögunum hefur gengið betur að hækka eldsneyti, frekar en að lækka það. Bíleigendur fengu sig fullsadda, enda hækkunin vel á þriðja tug prósenta á árinu.
