Heilsuvika í Reykjanesbæ hófst í gær - fjölmargir viðburðir

Heilsuvika stendur nú yfir í Reykjanesbæ. Margir viðburðir verða í gangi alla vikuna.
Meðal viðburða í dag má nefna marítafræðslu í Háaleitisskóla á Ásbrú en Páll Óskar Hjálmtýson er meðal þeirra sem fjalla um einelti. Á leikskólanum Garðaseli er íþróttadagur og klukkan 16.30 stendur Holtaskóli fyrir göngu um „sæleiðina“ frá Kópuvík í Innri-Njarðvík út að Duus húsum.

Ásdís Ragna grasalæknir mun svo verða með heilsukvöld í Nettó frá kl. 19.30.
Meðal atriða í gær á fyrsta degi heilsuviku var Jakkafatajóga í bókasafni Reykjanesbæjar. Ágústa Gissurardóttir kynnti þessa nýjung og jógaði með starfsmönnum og gestum safnsins.