Hausthátíð Varnarliðsins á morgun

Varnarliðsmenn bjóða til árlegrar hausthátíðar á Keflavíkurflugvelli næstkomandi laugardag, 15. október. Aðgangur er ókeypis og allir velkomnir.

Hátíðin fer að venju fram með "karnival" - sniði í stóra flugskýlinu næst vatnstanki vallarins frá klukkan tíu að morgni til fjögur síðdegis. Í boði verður fjölbreytt skemmtun fyrir alla fjölskylduna - tónlist, leiktæki, þrautir, matur og hressing og sýningar af ýmsu tagi.

Gestum gefst gott tækifæri til að kynnast íbúum á Keflavíkurflugvelli og skoða þotur, þyrlur og annar búnaður varnarliðsins sem verður til sýnis á svæðinu.

Umferð er um Grænáshlið ofan Njarðvíkur. Gestir eru vinsamlega beðnir að hafa ekki með sér hunda.