Hátíðardagskrá á degi íslenskrar tungu í Duushúsum

Menntamálaráðuneytið mun standa fyrir hátíðardagskrá í Listasafni Reykjanesbæjar nk. miðvikudag í tilefni Dags íslenskrar tungu. Dagskráin stendur frá kl. 16 til 17.

Á hátíðinni er boðið up á fjölbreytt skemmtiatriði og eins mun menntamálaráðherra afhenda tvær sérstakar viðurkenningar fyrir stuðning við íslenska tungu. Tónlistarflutningur verður í höndum nemenda Tónlistarskóla Reykjanesbæjar og fundarstjóri verður Guðni Olgeirsson.

Veitingar verða í boði sjávarútvegsráðuneytinsins og eru allir velkomnir í Duushús.

Dagskráin er sem hér segir:?

-Rímnakviða eftir Jón Leifs, Mist Elíasdóttir leikur á píanó

-Setning hátíðardagskrár

-Upplestur: Elísa Sveinsdóttir, nemandi í Heiðarskóla

-Ávarp menntamálaráðherra
Verðlaun Jónasar Hallgrímssonar afhent
Ávarp verðlaunahafa

-Úr Hulduljóðum eftir Jónas Hallgrímsson, lag Atla Heimis Sveinssonar
Dalvísa: Fífilbrekka gróin grund eftir Jónas Hallgrímsson, lag Atla Heimis Sveinssonar
Sveinn Enok Jóhannsson syngur

-Upplestur, Óli Ragnar Alexandersson, nemandi í Njarðvíkurskóla

-Litla vina og Lítill fugl eftir Sigfús Halldórsson
Gítarsamspil: Aðalsteinn Axelsson, Hjörtur Pálmi Pálsson, Sigfús Jóhann Árnason og Reynir Örn Gíslason

-Menntamálaráðherra afhendir tvær sérstakar viðurkenningar fyrir stuðning við íslenska tungu
Ávörp viðurkenningarþega

-Davíð A. Stefánsson les úr nýrri bók sinni, Tvískinnu

-Illur lækur eftir Jónas Hallgrímsson
Íslenskt þjóðlag í útsetningu Hildgunnar Rúnarsdóttur
Kristín Þóra Jökulsdóttir syngur