Hátíðarbragur í Garði í dag
Sólseturshátíðin í Garði verður í dag. Skipulögð dagskrá hefst klukkan 11 og stendur yfir fram á kvöld. Á dagskránni er margt í boði fyrir alla fjölskylduna.Má þar nefna stuttar gönguferðir, menningar-og sögutengd fræðsla fyrir börn og fulloðina, fjöruferð fyrir börnin, leikir og knattþrautir. Trúbadorar verða á staðnum, harmonikkuleikarar, fjöllistahópur, varðeldur og hljómsveit. KK mæstir á staðinn og skemmtir gestum og seiðlæti verða í Garðskagavita. Frumflutt verður lagið Sólsetur í Garði, lagið samdi Vignir Bergmann en textinn er eftir Bjartmar Hannesson. Nanna Bryndís Hilmarsdóttir, Sigurður Freyr Ástþórsson og Viktor Freyr Róbertsson flytja frumsamin lög. Málverkasýnig Braga Einarssonar verður í Vitavarðarhúsinu. Sýning Fornbílaklúbbsins og bifhjólaklúbburinn Ernir mætir á svæðið. Brunavarnir Suðurnesja sýna bíla og búnað og Björgunarsveitin kynnir starf sitt og búnað. Þá verða leiktæki fyrir börnin á staðnum. Sölubásar auk þess sem veitinga- og kaffihúsið Flösin verður opin með sínar góðu veitingar. Byggðasafnið og vitarnir verða opnir. Tjaldstæðið er opið án endurgjalds fyrir alla tjaldbúa, fellihýsa- og húsbílaeigendur. Guðþjónusta í Útskálakirkju verður á sunnudaginn kl. 15:00. Prestur er sr. Björn Sveinn Björnsson.
