Hatari í Hljómahöll á miðvikudagskvöld

Hatari fagnar hruni siðmenningarinnar eftir eldskírn á altari evrópskra sjónvarpsstöðva og verður með tónleika í Hljómahöll miðvikudagskvöldið 29. maí kl. 21. Hatari selur sál sína enn á ný með ferðalagi milli landshorna. Hatari býður þjóðinni að umfaðma endalokin dansandi, enda lífið tilgangslaust. Dansið eða deyið, segir í tilkynningu frá sveitinni.

Húsið opnar kl. 20 og er aldurstakmark 20 ára. Miðasala er á tix.is.