Harður árekstur á Hafnargötu

Árekstur varð á Hafnargötu um hádegisbilið í dag. Áreksturinn átti sér stað skammt frá gatnamótum Hafnargötu og Tjarnargötu. Tvær bifreiðar skullu nokkuð harkalega saman en svo virðist sem annar ökumaðurinn hafi verið á röngum vegarhelmingi.

Báðar bifreiðar voru óökufærar eftir áreskturinn og að sögn lögreglu á vettvangi eru bifreiðarnar hreinlega ónýtar. Enginn slasaðist þó við áreksturinn.

Svo virðist sem önnur bifreiðin hafi verið röngu megin.

Slökkvilið hreinsaði upp olíu sem leikið hafði af bifreiðunum.