Harðangur og Klaustur, handavinna á Nesvöllum
Eldri borgarar í Reykjanesbæ hittast á Nesvöllum, þjónustumiðstöðinni og stunda þar ýmsar tómstundir. Hressar konur sátu saman í dag í nýrri aðstöðu fyrir tómstundastarfið og gerðu handavinnu. Þar mátti sjá ýmis listaverk verða til.
Nokkrar konur saumuðu út með Harðangur og klaustur saum sem var áður fyrr notaður í fatnað en í dag saumaður í dúka, gluggatjöld, sængurver og koddaver.
Konurnar voru mjög ánægðar með nýju aðstöðuna á Nesvöllum. Þær hafa val um að stunda sína handavinnu undir handleiðslu, ef þær vilja.
Handavinnustundirnar eru í boði fyrir eldri borgara þrisvar í vikur í allt sumar.
Mynd-VF/IngaSæm
