Hangikjöt er alger unaður

Halldór Lárusson, skólastjóri Tónlistarskóla Sandgerðis, botnaði nokkrar setningar í aðdraganda jóla.

Aðventan er í mínum huga … tími kósíheita og að njóta lífsins

Ég skreyti …  strax í byrjun desember. Það er svo gott að lýsa upp skammdegið.

Jólahlaðborðið … er sleppt í ár.

Grænar baunir eru … algerlega nauðsynlegar með hangikjötinu.

Laufabrauð … er náttúrlega langbest að norðan og algjört „möst“ um jólin. Það eru engin jól án laufabrauðs.

Jólaskraut fer utan á hús mitt … strax í byrjun desember.

Jólatréð skreytum við … viku fyrir jól.

Jólastemmningin … er í faðmi fjölskyldunnar í rólegheitum.

Hangikjöt er … alger unaður! 

Malt og Appelsín eru … brúnt og appelsínugult ;-)

Jólasveinarnir eru … dásamleg kvikindi sem bæði skelfa mann og gleðja.

Ég kaupi alltaf jólagjöfina handa maka mínum … saman með eiginkonunni, við gefum okkur saman eitthvað fallegt fyrir heimilið.

Á Þorláksmessu fer ég … EKKI í skötuveislu! 

Aðfangadagur er … 24. desember minnir mig ;-) 

Um áramótin ætla ég  … að gleðjast saman með vinum mínum á alþjóðlegu listahátíðinni Ferskum Vindum í Suðurnesjabæ. Áramótunum verður fagnað með fólki alls staðar að úr heiminum og fjölskyldunni að sjálfsögðu. Getur ekki orðið betra. Gleðilegt 2020!