Hákarlinum skolað niður með brennivíni
Þorranum var fagnað á hjúkrunarheimilinu Hlévangi í Reykjanesbæ á sjálfan bóndadaginn. Boðið var upp á alíslenskan þorramat úr trogum. Þá var heimilisfólki boðið upp á hákarl og honum svo skolað niður með íslensku brennivíni. Félagar úr Félagi harmonikkuunnenda á Suðurnesjum léku þjóðlega tónlist og starfsfólkið var einnig á þjóðlegum nótum eins og sjá má á meðfylgjandi myndum sem Sólborg Guðbrandsdóttir tók á þorrablótinu.
Þorrablót á Hlévangi
