Hafsteinn með réttu handtökin við skötuna

Hafsteinn Guðnason kann réttu handtökin þegar skata er annars vegar. Hann hefur í allan morgun unnið við að skera skötu í rétta bitastærð fyrir skötumessuna sem haldin er í Garði í kvöld.

 

Í gær var salurinn í Miðgarði í Gerðaskóla gerður klár fyrir veisluna en myndir af því má sjá hér að neðan.

 

Skötumessan hefur verið haldin nokkur undanfarnin ár en með henni er safnað fjármunum til góðra málefna á Suðurnesjum og víðar. Borðhaldið hefst kl. 19.00 og að venju verður boðið uppá glæsilegt hlaðborð af skötu, saltfiski, plokkfiski og meðlæti – þá verður rómuð skemmtidagskrá flutt af fólki sem leggur Skötumessunni lið.

 

- Hér má sjá frétt um skötumessuna og allar upplýsingar sem þarf ef þú ætlar að mæta í veisluna - 

 

 

 

 

 

Ljósmyndir fengnar af fésbókarsíðu Ásmundar Friðrikssonar.