Hæpið í umsjá lögreglunnar á Suðurnesjum

Flugstöðvardeild lögreglunnar á Suðurnesjum fékk til sín góða gesti í heimsókn þegar sjónvarpsþátturinn Hæpið á RÚV kíkti við í Flugstöð Leifs Eiríkssonar  á dögunum. Unnið er að sérstökum þætti um landamæri Íslands í víðu samhengi þar sem skoðuð er starfsemi lögreglunnar í flugstöðinni sem sinnir þar landamæraeftirliti.

Lögreglan varð fúslega við bón þeirra Unnsteins og Katrínar úr Hæpinu og stillti sér upp í myndatöku með sjónvarpsfólkinu. Þátturinn er væntanlegur á skjáinn innan skamms.