Gyllenhaal í Bláa lóninu og Leifsstöð í dag

Hollywood leikarinn Jake Gyllenhaal sem dvalið hefur á Íslandi að undanförnu fór af landi brott í dag en hann lauk heimsókninni með því að fara í Bláa lónið og það reyndar í annað sinn í Íslandsferðinni.

Gyllenhaal kom við á nokkrum stöðum í Reykjavík á ferð sinni en á þessari mynd má sjá hann á spjalli við Sigurjón Sighvatsson, kvikmyndaframleiðanda í Leifsstöð í dag.

Jake hefur leikið í kvikmyndum á borð við Brokeback Mountain, Jarhead, Zodiac, Donnie Darko og Brothers sem Sigurjón Sighvatsson framleiddi. Hann var tilnefndur til Óskarsverðlauna fyrir hlutverk sitt í Brokeback Mountain.

Ljósmynd/HildurBjörk.