Grunnskólanemar lesa Passíusálma
– Hallgrímur Pétursson og unga fólkið í Safnaðarheimili Sandgerðis
Nemendur úr 8. bekk Grunnskólans í Sandgerði munu lesa úr Passíusálmunum í dag, þriðjudaginn 7. október, frá kl. 9.30 í Safnaðarheimilinu í Sandgerði. Sigurður Grétar Sigurðsson sóknarprestur segir að lesturinn standi til a.m.k. kl. 12.30.
Í bland við lesturinn verður boðið upp á tónlistaratriði frá nemendum tónlistarskólans í Sandgerði. Að sögn Sigurðar Grétars er öllum velkomið að líta við í safnaðarheimilinu og njóta lesturs og tónlistar.
