Gróska í skátastarfinu

Ylfingar í Heiðarbúum í Keflavík hittust sunnudaginn 18. febrúar sl. og gerðu sér glaðan dag í skátahúsinu við Hringbraut.
Í vetur hafa krakkarnir unnið að hinum ýmsu verkefnum. Í byrjun sumars fer allur hópurinn á ylfingamót þar sem gist verður a.m.k. í eina nótt í tjöldum og gengið til fjölbreyttrar dagskrár og
á sumardaginn fyrsta verða skátarnir vígðir og hefst sú stund með skrúðgöngu frá skátahúsi til kirkju.
Heiðabúar eru með deild í Sandgerði og Garði. Frá Sandgerði komu 19 börn sem vígðust í Keflavíkurkirkju. Deildin heitir Stafnbúar og var stofnuð í september. Deildin í Garðinum heitir Bergbúar en þaðan vígðust 9 ylfingar fyrir skömmu. Ylfingasveitin Flóra starfar í Keflavík og úr henni komu 12 börn sem vígðust einnig fyrir hálfum mánuði.