Grindavík mætir Vestmannaeyjum í Útsvari

Grindavíkurbær mætir Vestmannaeyjabæ í spurningaþættinum Útsvari á RÚV í kvöld kl. 20:10. Grindavík hefur staðið sig með mikilli prýði undanfarin ár.

Agnar Steinarsson verður áfram í Útsvarsliði Grindavíkurbæjar en inn í liðið koma þau Ragnheiður G. Eyjólfsdóttir og Siggeir Fannar Ævarsson. Símavinur verður Daníel Pálmason lögfræðingur sem hefur verið í Útsvarsliði Grindavíkur undanfarin þrjú ár.