Grindavík mætir Árborg í Útsvar

Lið Grindavíkur í spurningaþættinum Útsvar, skipað þeim Andreu, Agnari og Eggerti, mætir Árborg í 16 liða úrslitum keppninnar annað kvöld, föstudag. Grindavík sigraði fyrstu viðureign sína nokkuð örugglega, 87-49 gegn Borgarbyggð í nóvember síðastliðnum. Þeim sem hafa áhuga á að mæta og styðja við sitt lið er bent á að mæta fyrir klukkan 19:30 í Útvarpshúsið, en útsendingin hefst kl. 20. Árborg fór áfram í keppninni eftir fyrstu umferð sem stigahæsta tapliðið.