Grillað á Hrafnistuheimilunum
Hrafnistuheimilin í Reykjanesbæ, Nesvellir og Hlévangur, héldu nýlega sín árlegu sumargrill og var vel mætt á báðum stöðum eins og meðfylgjandi myndir sýna. Vel var mætt í báðar veislurnar og var raunar metþátttaka á Nesvöllum þangað sem um 130 manns mættu.
Að þessu sinni annaðist Múlakaffi matseldina á báðum stöðum og grilluðu matsveinarnir bæði lamb og kjúkling.
Tvíeykið og trúbadorarnir Hjörleifur Már Jóhannsson og Eiður Örn Eyjólfsson sáu um tónlistaratriðin og skapaðist mikil stemning í veislunum sem tókust vel í alla staði.
Grillveislur á Hrafnistuheimilum í Reykjanesbæ
