Götugrill, litaskrúðganga og bryggjuball í kvöld á Sjóaranum síkáta
Sólin heilsar Grindvíkingum á þessum fallega föstudegi á Sjóaranum síkáta. Litaskreytingar prýða orðið bæinn og mikil eftirvænting með bæjarbúa fyrir kvöldinu. segir á vef Grindavíkurbæjar.
Föstudagurinn er stór dagur á Sjóaranum síkáta og sannkallaður hápunktur í hugum margra. Framundan er götugrill í hverfunum, litaskrúðganga og svo auðvitað bryggjuballið sem verður glæsilegt í ár líkt og undanfarin ár og gleðin við völd fram á nótt.
Meðal annars á dagskrá Sjóarans síkáta föstudaginn 9. júní:
18:00 Götugrill um allan bæ. Grindavíkurbæ hefur verið skipt upp í fjögur hverfi þar sem hvert þeirra hefur sinn lit og sitt þema. Bæjarbúar eru hvattir til þess að skreyta göturnar sínar í sínum litum og slá saman í götugrill sem liðsstjórar hverfanna sjá um að skipa.
20:00 Litaskrúðganga úr hverfunum fjórum að hátíðarsvæðinu við Hafnargötu. Mæting í gönguna ekki seinna er 19:45. Gangan leggur af stað kl. 20:00.
Kvölddagskrá: Bryggjuball á hátíðarsvæðinu við Kvikuna.
Slysavarnarfélagið Þórkatla: Í sölugámum á hátíðarsvæði verður candy-flos, blöðrur og ýmislegt góðgæti til sölu.
Leiktæki á hátíðarsvæðinu.
Dagskrá á hátíðarsviði á Bryggjuballi:
• Ingó Veðurguð með brekkusöng þar sem allir taka undir
• Heimsmeistarinn í töfrabrögðum Shin Lim
• Trúbadorar úr hverju hverfi taka lagið
• Grindvíkingar sameinast í söng - hæfileikafólk úr heimabyggð heldur uppi stuðinu
• Hljómsveitin Veðurguðirnir heldur uppi stuðinu fram að miðnætti
• Kynnir er Margrét Pálsdóttir
