Góð þátttaka á íbúafundi um frístunda- og forvarnamál

Íbúafundur um frístunda- og forvarnamál í Sandgerði var haldinn mánudaginn 11. nóvember sl. Samkvæmt tilkynningu var þátttaka góð og hugmyndir og umræður sem þar fóru fram voru áhugaverðar og gagnlegar.

Kynnt var starfsemi helstu félagasamtaka sem bjóða upp á frístundastarf í Sandgerði sem og nýlegar niðustöður könnunar á íþrótta- og frístundastarfi barna og unglinga í Sandgerði.

Í lokin fór fram hópavinna fundargesta sem laut að framtíð frístundastarfs í Sandgerði. Frístunda- og forvarnafulltrúi, sem og Frístunda- forvarna- og jafnréttisráðs, vilja koma á framfæri þakklæti til þeirra sem tóku þátt.