Góð stemmning í miðbænum á Þorláksmessukvöld - myndir

Það var fín jólastemmning í miðbæ Keflavíkur á Þorláksmessukvöld. Fjölmargir mættu og kíktu í búðir og heilsuðu einnig upp á Skyrgám sem gaf sér góðan tíma til að ræða við börnin. Jólahljómsveit Tónlistarskóla Reykjanesbæjar spilaði jólalög um allan bæ tvívegis þennan dag en einnig fleiri daga fyrir jól. Á Þorláksmessu gáfu jólasveinar börnunum nammi.
Veðrið var þokkalegt en þó snjóaði talsvert um tíma. Verslanir voru opnar til kl. 23 og verslunareigendur sem VF ræddi við voru nokkuð sáttir.

Meðfylgjandi myndir voru teknar á Þorláksmessukvöld.