Glóðin opnar aftur

Veitingahúsið Glóðin við Hafnargötu var opnað aftur í gær. Það eru þau Þóranna Gunnlaugsdóttir, þjónn á Glóðinni til fjölda ára, og Haukur Hermannsson, matreiðslumeistari, sem hafa tekið reksturinn á leigu og bjóða upp á glænýjan og ferskan matseðil.Boðið verður uppá sérstakann hádegismatseðil þar sem áherslan er á súpu, salat og heimilismat, við vægu verði. Meira er lagt í matseðilinn á kvöldin, þá er glæsilegur „a la carte" matseðill þar sem meðal annars er boðið upp á þriggja rétta veislu á 4800 krónur eða tveggja rétta veislu á 3900 krónur.
Vel verður tekið á móti börnum og er boðið upp á sérstakann barnamatseðil, eins verður þess gætt að börnin þurfi ekki að bíða lengi eftir matnum heldur fá hann framreiddann fljótt og örugglega. Einnig er leikhorn fyrir krakkana þannig að eftir matinn geta þau leikið sér á meðan mamma og pabbi klára að borða í rólegheitunum.

Salurinn á efri hæðinni er til útleigu, eins og áður var og ennþá eru laus nokkur pláss fyrir fermingaveislur.

Opnunartíminn hefur breyst og er nú opið alla daga frá 11.30 til 14.00 og svo opnar aftur klukkan 17.30 og er opið fram eftir, en eldhúsið lokar klukkan 22.00. Ekki er opið í hádeginu um helgar en sunnudagar verða fjölskyldudagar, þá verður meðal annars lögð áhersla á að hafa liti og litabækur fyrir krakkana svo þau hafi eitthvað fyrir stafni eftir matinn.