Glæný dóttir gæti fæðst um páskana
Þórarinn Ingi Ingason þyrluflugmaður.
Á að ferðast eitthvað yfir páskahelgina? - Ef ekki, hvernig á að verja helginni?
Það verður ekki mikið ekki um ferðalög þessa páska, við eigum von á lítilli prinsessu á næstunni. Settur fæðingardagur er 3. apríl þannig að mögulega verður páskunum varið á HSS, ef hún lætur bíða efir sér þá verður páskunum varið heima í faðmi fjölskyldunnar.
Áttu þér einhverjar hefðir sem tengjast páskunum?
Páskahefðir eru að sjálfsögðu páskaegg og tilheyrandi feluleikir með þau.
Hvað er borðað á þínu heimili á páskadag?
Páskamaturinn er léttreyktur lambahryggur.
Hvernig páskaegg ætlar þú að fá þér í ár?
Lakkrís er minn veikleiki þannig að sjálfsögðu verður borðað lakkrísegg og svo stefni ég á eitt venjulegt Nóa Síríus egg.
