Gistinótt í Fjörheimum á morgun

Á morgun, föstudag, verður gistinótt í Fjörheimum í Reykjanesbæ þar sem margt skemmtilegt verður brallað. Þar á meðal verður horft á X-factor, DVD myndir og nýtt forvarnarmyndband um spilafíkn þar sem krakkar héðan af svæðinu eru meðal leikenda. Þá verður limbó og trúbadorar taka lagið og margt fleira.

8. og 10. bekkingar í grunnskóla eru líka velkomnir en verðið er 500 kr. Mæting er kl. 20 á föstudagskvöld og verður fram á laugardagsmorguninn. Skráning er í Fjörheimum, en miðafjöldi er takmarkaður.

Nánari upplýsingar um gistinóttina veitir Hafþór Barði Birgisson, forstöðumaður Fjörheima í síma 898 1394

Á meðal annars sem er á döfinni hjá Fjörheimum er gjörningar sem leiklistarhópur Fjörheima stendur fyrir næstu vikuna í tilefni af Evrópuátaki gegn heimilisofbeldi, en Reykjanesbær er opinber þátttakandi í því verkefni.