Gestakokkur töfrar fram konudagsmatseðil á Vocal

Haraldur Sæmundsson verður gestakokkur á Vocal restaurant, Flughótel, helgina 18. - 20. febrúar næstkomandi.

Sérstakur konudagsseðill verður í boði og ætlar Haraldur að galdra fram skemmtilega rétti úr hráefni, eins og nautalundum, kjúklingi, hörpuskel, smokkfiski og sushi með flugfiskahrognum svo eitthvað sé nefnt.

Haraldur er yfirmatreiðslumaður á Hótel Rangá, sem í dag er eitt af 100 bestu hótelum í Evrópu samkvæmt nýrri könnun breska fréttamiðilsins The Sunday Times.

Hann útskrifaðist sem matreiðslumaður frá veitingastaðnum DOMO í Reykjavík. Haraldur hefur starfað í Toscana héraðinu á Ítalíu, sem er vagga ítalskrar matargerðarlistar. Hann var yfirmatreiðslumaður á DOMO áður en hann var ráðinn til Hótel Rangá. Borðapantanir í síma 421 5222.