Gengu með tónlistarandann í Hljómahöll
– Kennsla hafin í Hljómahöllinni.
Kennarar Tónlistarskóla Reykjanesbæjar kvöddu gömlu kennsluhúsin á Þórustíg 7 og Austurgötu 13 á dögunum. Tilefnið var að flutningum í nýtt húsnæði í Hljómahöll var þá svo til lokið og kennsla að hefjast í nýju húsi.
Kennarar gengu fylktu liði frá fyrrum höfuðstöðvum skólans á Austurgötu til Hljómahallar undir trommuslætti og í fylgd lögreglu.
Með þessu vildu kennarar fanga hinn góða anda sem ríkti í gömlu húsunum og færa yfir í nýja húsið.
Ljósmyndir: Hilmar Bragi Bárðarson
