Gengið að heimaslóðum Ellýjar og Vilhjálms í kvöld

Í kvöld verður farin gönguferð frá Ósabotnum að Merkinesi. Gengin verður gömul þjóðleið með ströndinni og sagðar verða sögur af fólki og örnefnum. Gengið verður að Merkinesi þar sem söngsystkinin Vilhjálmur og Ellý Vilhjálmsbörn ólust upp. Rannveig L. Garðarsdóttir verður leiðsögumaður og Árni Hinrik Hjartarson, íbúi og áhugamaður um sögu Hafna verður með í för og segir frá  áhugaverðum stöðum í gönguferðinni. Gangan tekur u.þ.b. 2-3 klst.