Garðyrkjufélag Íslands skoðar garða í Reykjanesbæ
Garðaskoðun, Garðyrkjufélag Íslands, fer fram í Reykjanesbæ þann 10. júlí klukkan 13:00 - 17:00. Á heimasíðu Garðyrkjufélag Íslands er Reykjanesi ekki líst sem líklegum sælureiti þegar kemur að garðyrkju. Á heimasíðunni kemur fram að þegar flogið er yfir Reykjanesið sé garðgróður og gróðursæld ekki það fyrsta sem kemur í huga. Við nánari athugun þegar komið er inn í bæinn blasa við garðar með fjölbreyttum gróðri þar sem mismunandi litir og angan gefi lífinu sannarlega gildi.Garðyrkjufélagið bendir einnig á að á síðustu árum hafi margir kappkostað við að rækta garðinn sinn. Sjá megi Tréveggi, palla, álfa, ljósapolla, grjót og annað sem setji sterkan svip á garðana. Á bak við þessa gróður vin sem Reykjanesbær bíður upp á liggur ótrúleg vinna enda er Reykjanesið ekki auðveldasti staður til að rækta fjölbreyttan gróður.
Í ár verða átta garðar opnir félagsmönnum og öðrum gestum til skoðunar. Garðarnir eru bæði gamalgrónir með ýmsum skemmtilegum plöntum og nýlegir garðar með áhugaverðum lausnum í hönnun og notkun plantna.
Sá háttur er hafður á í Garðaskoðuninni að fólk kemur á sínum bílum og byrjar að skoða þann garð sem þeim hentar. Gestabók liggur frammi í hverjum garði.
Kort af Reykjanesbæ, þar sem opnu garðarnir eru merktir inná, liggur frammi í öllum görðunum.
Eftirfarandi garðar eru opnir til skoðunar:
Hraunsvegur 6, Ytri – Njarðvík
Eigendur: Guðfinna Arngrímsdóttir og Sigurjón Þórðarson.
Hraunsvegur 8, Ytri – Njarðvík
Eigendur: Linda Helgadóttir og Gunnar Ágúst Halldórsson
Njarðvíkurbraut 3, Innri – Njarðvík
Eigandi: Svanhvít Guðmundsdóttir
Kirkjubraut 2, Innri – Njarðvík
Eigendur: Guðríður Helgadóttir og Sigurður G. Sigurðsson
Freyjuvellir 3, Keflavík
Eigendur: Guðveig Sigurðardóttir og Guðmundur Guðbjörnsson
Grænigarður 12, Keflavík
Eigandi: Sigrún Hauksdóttir
Klapparstígur 4, Keflavík
Eigendur: Guðbjörg Marteinsdóttir og Hermann Jakobsson, Marteinn B. Sigurðsson og Guðfinna Jónsdóttir.
Smáratún 40, Keflavík
Eigendur: Áslaug Hilmarsdóttir og Trausti Björnsson
