Garður: Aðventuhátíð á sunnudaginn

Aðventuhátíð Garðs verður haldinn næstkomandi sunndag.

Jólamarkaður verður opnaður í samkomuhúsinu kl. 15:00. Aðventudagskrá hefst í samkomuhúsinu kl. 16 þar sem fram koma Söngsveitin Víkingar, Barnakór Garðs, Margrét Lára Þórarinsdóttir og sunginn verður fjöldasöngur.

Að dagskrá lokinni verður farið að jólatré bæjarins sem stendur á horni Gerðavegar og Garðbrautar þar sem jólaljósin verða tendruð og Særún Ástþórsdóttir bæjarfulltrúi flytur hugvekju. Jólasveinar kæta börnin og boðið verður upp á heitt kakó og piparkökur í umsjá Unglingaráðs Víðis.

Sýningin Jól á Byggðasafninu á Garðskaga verður opnuð kl. 18:00. Þar verða sýndir gamlir munir tengdir jólum og sagðar sögur af jólahaldi.

Gallerý Garðskagi verður opið í Vitavarðarhúsinu og veitingahúsið Flösin selur m.a. gómsæta súpu á góðu verði.