Fyrsti trommuleikarinn sem er bæjarlistamaður

Halldór Lárusson trommuleikari verður útnefndur Bæjarlistamaður Grindavíkur við setningu Menningarviku næsta laugardag. Hann er fyrsti trommuleikari landsins sem fær slíka nafnbót eftir því sem næst verður komist.

Menningarvika Grindavíkur, sem nú er haldin í sjötta sinn, verður óvenju glæsileg í tilefni 40 ára kaupstaðarafmælis Grindavíkurbæjar. Dagskráin er fjölbreytt en hápunktur hennar eru risatónleikar í íþróttahúsinu 22. mars sem settir  voru sérstaklega saman í tilefni afmælisins. Þar sameinast á sviði í fyrsta sinn Fjallabræður, Jónas Sig og Lúðrasveitir Vestmannaeyja og Þorlákshafnar.

 Allt um Menningarvikuna má lesa hér: http://www.grindavik.is/menningarhatid