Fyrsti kossinn: Hljómar í 50 ár á miðvikudagskvöld

Tónleikadagskráin "Fyrsti kossinn: Hljómar í 50 ár" verður flutt í Andrews theatre miðvikudaginn 11.september. 

Fyrirhugaðir eru tvennir tónleikar þann daginn kl. 19 og kl. 21. 

Tónleikarnir eru í boði Reykjanesbæjar og eru þeir af því tilefni að 50 ár eru frá því að hljómsveitin Hljómar frá Keflavík kom fyrst fram á sjónarsviðið. Eins og kunnugt er varð að fresta kvölddagsskrá Ljósanætur vegna veðurs en þar sem þessi dagskrárliður var sérstaklega undirbúinn fyrir hátíðina þá var ákveðið að bjóða upp á hann við bestu skilyrði. Frítt er á tónleikana á meðan húsrúm leyfir og gildir reglan fyrstir koma, fyrstir fá. Söngvararnir Eyþór Ingi, Valdimar Guðmundsson og Stefanía Svavars munu flytja lög Hljóma ásamt sérvalinni hljómsveit sem Jón Ólafsson, bítlavinur stýrir. Sögumaður á tónleikunum er Baldur Guðmundsson sonur Rúnars Júlíussonar heitins.