Fyrrum nemandi las fyrir yngstu börnin
- í tilefni af læsisviku í leikskólum Reykjanesbæjar.
Þessa vikuna, 10. - 14. nóvember, er læsisvika í leikskólum Reykjanesbæjar. Í tilefni af því fengu börnin á deildinni Lundi í Garðaseli í Reykjanesbæ heimsókn frá nemanda sem útskrifaðist í haust og hóf nám í 1. bekk. Það var Alísa Myrra sem kom og las fyrir yngstu börnin bókina um Pönnukökuna við mikla lukku allra sem á hlýddu.
Starfsfólk á Lundi sendi Víkurfréttum þessa skemmtilegu mynd af því tilefni.
Við hvetjum starfsfólk á leikskólum til að senda okkur skemmtilegar myndir úr starfinu á [email protected].
