Fyrirlestur um lesblindu

Marjatta Ísberg flytur erindi um lesblindu á Bókasafni Reykjanesbæjar fimmtudaginn 7. febrúar n.k. kl. 20.00.
Marjatta mun segja frá nýjustu kenningum um uppruna lesblindu, kynna helstu niðurstöður rannsóknar sinnar sem margir Suðurnesjabúar tóku þátt í og svara fyrirspurnum um efnið.
Erindið er ætlað bæði kennurum og almenningi og þeir sem eru með einhverja lesblinda í fjölskyldunni eru sérstaklega hvattir til að mæta.

Marjatta er fil.mag., sérkennslufræðingur, sem stundar nú doktorsnám við sálfræðideild háskólans í Jyväskylä með lesblindu sem sérsvið. Hún starfaði sem kennari á Suðurnesjum í sjö ár, fyrst í Keflavík og síðan í Sandgerði.