FS tapar naumlega í Gettu betur

Fjölbrautaskóli Suðurnesja er úr leik í spurningakeppni framhaldsskólanna, Gettu Betur, eftir nauman ósigur gegn Verzlunarskóla Íslands, 22-17, í kvöld.

Þótt FS-ingarnir Sigurður Björgvin Jökulsson, Hilmar Sigurðsson og Elín Inga Ólafsdóttir hafi ekki komist í sjónvarpið þetta árið mega þau vel við sinn hlut una, enda Verzló jafnan með afar sterkt lið.