FS-ingur: Viðskiptafræðingur og módel

Garðmærin Þóra Lind Halldórsdóttir er FS-ingur vikunnar að þessu sinni. Þóra er á sautjánda ári og stundar nám á viðskipta- og hagfræðibraut í FS. Ef Þóra væri skólameistari myndi hún hafa meira líf og fjör í skólanum. Hún telur að Sólborg Guðbrandsdóttir sé líklegust FS-inga til að verða fræg.

Af hverju valdir þú FS?
Ég valdi FS því mér leist vel á hann og það var líka þægilegast að fara í hann.

Hvernig finnst þér félagslífið í skólanum?
Félagslífið er mjög fínt.

Áhugamál?
Tónlist, tíska, líkamsrækt og að ferðast.

Hvert er stefnan tekin í framtíðinni?
Stefni á að læra viðskiptafræði og vonandi vinna sem módel í aukastarfi, og mig langar líka að prófa að búa í útlöndum.

Hvað finnst þér um Hnísuna?
Hef ekki séð nýju Hnísuna en gamla Hnísan klikkaði ekki!

Ertu að vinna með skóla?
Ekki í augnablikinu.

Hver er best klæddur í FS?
Held að það séu allir sammála um að það sé Viktor Smári.

Hvað er skemmtilegast við skólann?
Að hafa Hebu okkar í skólanum.

Hvar hangirðu í eyðum og frímínútum?
Ég er oftast niðri í matsal.

Stundarðu íþróttir eða ert í öðrum tómstundum?
Ég er að æfa í Sporthúsinu.

Hvað borðar þú í morgunmat?
Fæ mér alltaf hafragraut með kanil og bláberjum.

Hvaða FS-ingur er líklegur til þess að verða frægur?
Það er Sólborg, klárt mál.

Hver er fyndnastur í skólanum?
Vignir Páll fær þann titil, maður getur farið að hlægja bara við að horfa á hann.

Hvað finnst þér vanta í mötuneytið?
Meiri fjölbreytni.

Hvað er heitasta parið í skólanum?
Sylvía Rut og Guðni Már.

Hverju myndirðu breyta ef þú værir skólameistari FS?
Ég mundi hafa meira líf og fjör í skólanum.