FS áfram í Gettu Betur

Fjölbrautaskóli Suðurnesja lagði Fjölbrautaskólann í Ármúla að velli í fyrstu umferð spurningakeppni framhaldsskólanna, Gettu Betur, í kvöld.

Lokatölur voru 17-7 fyrir FS og greinilegt að liðið kom þaulæft til leiks og eru til alls líkleg í næstu umferð. Liðsmenn FS á myndinni eru frá vinstri: Sigurður Björgvin Jökulsson, Hilmar Sigurðsson og Elín Inga Ólafsdóttir.

Sigurinn kemur sem nokkur sárabót fyrir gengi FS-inga í ræðukeppninni Morfís á dögunum, en þeir töpuðu með miklum mun gegn MH, 1511-441.

Mynd af vef Fjölbrautaskólans, www.fss.is